ვაქცინები ციფრულ სამყაროში

პერსონალური პროექტი

შესავალი

უდარდელი მოგონებებით სავსე 2000-იან წლებში ყველაზე საშიში ვირუსები, ადამიანების ნაცვლად, კომპიუტერებში ბინადრობდნენ (ყოველ შემთხვევაში, მე ასე მახსოვს). ახლა კი ყველაფერი შეიცვალა: Avast-ის, Avira-ს, Kaspersky-სა და NOD-32-ის ანტივირუსები ჩაანაცვლეს Pfizer-ის, Sinopharm-ის, Sinovac-ისა და AstraZeneca-ს ვაქცინებმა, თანაც იმაზე გაცილებით სერიოზული ვირუსის წინააღმდეგ საბრძოლველად, ვიდრე ჩვენს კომპიუტერებს ოდესმე შეხვედრიათ.

ისე რა იქნებოდა, კორონავირუსით, ადამიანების ნაცვლად, კომპიუტერები რომ ინფიცირდებოდნენ? — ამ კითხვაზე პასუხის გასაცემად ისღა დამრჩენოდა, 2000-იანი წლების ნოსტალგიით აცრემლებული თვალები მომეწმინდა და საქართველოში ხელმისაწვდომი ვაქცინების ოპტიკურ დისკებად ქცევას შევდგომოდი…

სტილი

მოცემულ პროექტში, ვაქცინების მაიდენტიფიცირებელი ფერებისა და ლოგოების გარდა, შემოქმედებითი შეზღუდვები არ დამიწესებია. საკუთარი თავისთვის მინიჭებულმა თავისუფლებამ კი საშუალება მომცა, რომ დისკები ერთმანეთისაგან განსხვავებულ სტილში წარმომედგინა.

სამუშაო პროცესი

სამუშაო პროცესი დავიწყე ვაქცინის ლოგოების სამგანზომილებიანი მოდელირებით. ეს ეტაპი დიდად სახალისოდ არ ჟღერს (და არც ყოფილა), თუმცა მან გადამწყვეტი როლი შეასრულა ვიზუალიზაციის მომდევნო საფეხურებსა და თითოეული ნამუშევრის საბოლოო იერსახეზე. ამას მოჰყვა პოსტ-დამუშავება და მიღებული გამოსახულებების ოპტიკურ დისკებზე დატანა. პროცესის სამგანზომილებიანი ნაწილი შესრულებულია Blender-ში, ხოლო სხვა დანარჩენი — Adobe Photoshop-ში.

ტეგები

გაზიარება

Share on facebook
Share on twitter
Share on pinterest
Share on linkedin

სხვა ნამუშევრები

მზად ხართ სასაუბროდ?

თუ გსურთ კითხვების დასმა, კონსულტაცია ან პროექტის შეკვეთა, ისარგებლეთ საკონტაქტო ფორმით.