Menu
ბიზნესი ბრენდის გარეშე იგივეა, რაც ადამიანი გრძნობების გარეშე — ასეთი არსებობა მხოლოდ მატერიალურია და მას სხვა ღირებულება არ გააჩნია. ბრენდინგი კი ბიზნესისათვის სულის შთაბერვის პროცესია. მისი დახმარებით შეგვიძლია საკუთარ აუდიტორიასთან ღრმა ემოციური კავშირების დამყარება და მათ გრძნობებთან მიახლოება. ბრენდია ის, რითაც მომხმარებელი გვხედავს, გვეხება, გვისმენს და შეგვიგრძნობს.
ლამაზი დიზაინი არ არის საკმარისი ადამიანების გულებამდე მისასვლელად. ღრმა შეგრძნებებისკენ მიმავალი დიზაინის მთავარ მეგზურად არტ დაირექშენი გვევლინება. მისი საშუალებით განისაზღვრება ის ვიზუალური სტილი და შემოქმედებითი გადაწყვეტილებები, რომელიც ესთეტიკის გარდა, ბრენდის საკომუნიკაციო თუ სტრატეგიულ მიზნებს ემსახურება.
ლოგოს დიზაინი იდენტიფიკაციის უძველესი და ჩაუნაცვლებელი საშუალებაა. ბრენდებზე საუბრისას, პირველ რიგში, სწორედ ლოგო წარმოგვიდგება თვალწინ, რადგან იგი ბრენდის განუყოფელი ნაწილი და მთავარი ფიგურაა. ამ ერთი შეხედვით მარტივი სიმბოლოების შექმნა დიზაინერების ერთ-ერთი უდიდესი გამოწვევაა, რადგან ლოგოს, სილამაზესთან ერთად, ეფექტურობაც მოეთხოვება. გენიალური ლოგო არის სხვებისგან გამორჩეული, გამოსაყენებლად მოქნილი, გადმოსცემს ბრენდის ხასიათს და რაც მთავარია, უძლებს დროს!
პოსტერის დიზაინი, ეფექტური კომუნიკაციის გარდა, ბრენდის ისტორიის უკვდავყოფაშიც უდიდეს როლს თამაშობს. მას შემდეგ, რაც პოსტერი საკუთარ კომერციულ დანიშნულებას შეასრულებს, იგი კულტურულ არტიფაქტად რჩება. პოსტერის დიზაინი ხელოვნების ისეთი ფორმაა, რომელიც თუ სწორად გამოვიყენეთ, კომერციულ წარმატებასთან ერთად, საკუთარ კვალს ადამიანების ღრმა მოგონებებშიც დატოვებს.
შეფუთვის დიზაინი არის გარეგანი გამოხატულება იმისა, თუ რა ხდება შიგნით. უხვი ინფორმაციის ეპოქაში ჩვენ უნდა შეგვეძლოს, რომ გავსინჯოთ საკვები მისი მირთმევის გარეშე, წავიკითხოთ წიგნი მისი გადაშლის გარეშე, მოვუსმინოთ მუსიკას მისი ჩართვის გარეშე და ვისარგებლოთ პროდუქტით მასთან ინტერაქციის გარეშე. ამ უტოპიური ამოცანის ამოხსნა მაშინ ხდება შესაძლებელი, როდესაც შეფუთვის დიზაინის პოტენციალს სრულად ვიყენებთ.
