დიზაინი.
ბიზნესი.
ბრენდინგი.

მე ვეხმარები ბიზნესებს, სტარტაპებსა და მეწარმეებს
ბრენდების შექმნასა და განვითარებაში.

დიზაინი

დიზაინი, როგორც ვიზუალური კომუნიკაციის საშუალება, გვეხმარება პირველი შთაბეჭდილების შექმნაში, განცდების აღძვრასა და საინტერესო თხრობაში. მისი საშუალებით ადამიანებს საკუთარი სამყაროს კარს ვუხსნით. მთლიანობაში, დიზაინი არის ფიქრები, რომლის დანახვაც შეგვიძლია.

სტრატეგია

„თუ შენ დამარცხდი მომზადებაში, ესე იგი დამარცხებისთვის მომზადებულხარ.“ კომპანიის მიზნებისაკენ მიმავალ გზაზე არაერთი მირაჟი გვხვდება, რომელიც ცდილობს ჩვენი ყურადღების გაფანტვას, თუმცა სტრატეგია არის ის ძალა, რომელიც საგანძურის რუკის როლს ასრულებს ბიზნესში და გვიკვალავს გზას დასაპყრობი გამოწვევებისკენ.

ბრენდინგი

კარგი კომპანიები ახერხებენ ჩვენს თვალში მოხვედრას, მაგრამ მხოლოდ რჩეულებს შეუძლიათ მოხვდნენ ჩვენს გულებში... ბრენდინგი ბიზნესის გაპიროვნებაა, რომლითაც ადამიანებთან ვამყარებთ ემოციურ კავშირებს და ვიმკვიდრებთ ადგილს მათ ქვეცნობიერში. სწორედ ეს არის გასაღები, რომლითაც შეგვიძლია მომხმარებლის გულის კარი გავაღოთ.

დიზაინი, რომელიც მეტყველებს.

გამარჯობა!

მე ვარ სერგი დევრისაშვილი
გრაფიკული/ბრენდ დიზაინერი და დერბის მთავარსარდალი.

გრაფიკული დიზაინი ჩემი ბავშვობის ერთ-ერთი უდიდესი აღმოჩენა იყო, რადგან მისი საშუალებით შემეძლო ჩემი ბავშვური ფანტაზიები გამეცოცხლებინა და გადმომეცა ჩემი ფიქრები ისე ცხადად, როგორც არასდროს.

წლების განმავლობაში დაგროვებულმა ცოდნამ და გამოცდილებამ კი მაჩვენა, რომ გრაფიკული დიზაინი არის ლამაზ სანახაობაზე მეტი, ის კომუნიკაციის საშუალებაა, რომლითაც შეგვიძლია ადამიანის თვალებს გავცდეთ და მათ გულებამდეც მივიტანოთ ჩვენი სათქმელი. სწორედ ასე დავუკავშირდი ისეთ სფეროებს, როგორიცაა ბიზნესი და ბრენდინგი.

შემდეგ კი გადავწყვიტე, რომ ჩემი ძლიერი გატაცება საკუთარ პროფესიად მექცია და ასე შეიკრა ჩემი „სასიყვარულო სამკუთხედი“ — დიზაინი, ბიზნესი, ბრენდინგი.

დღესდღეობით კი ვეხმარები ბიზნესებს, სტარტაპებსა და მეწარმეებს ადამიანების გულებამდე მისვლაში. მთავარ მიზნად კი მილიონი ადამიანის ცხოვრების უკეთესობისკენ შეცვლა მაქვს დასახული...

გამომყევით სოციალურ მედიაში

მზად ხართ სასაუბროდ?

ისარგებლეთ საკონტაქტო ფორმით, რათა შემიკვეთოთ პროექტი,
დაგეგმოთ გასაუბრება, დამისვათ კითხვები, ან უბრალოდ მომიკითხოთ...